Bago pa man ako dumating sa Odiongan ay namomonitor ko na ang mga activities ng BJMP - Odiongan District Jail (ODJ) leadership sa pamumuno ni District Jail Warden J/SINSP Irene D. Gaspar. Lalo kong nakumpirma ang husay at pagiging aktibo ni Warden Irene Gaspar at mga kasamahan nya sa BJMP-ODJ nang maimbetahan akong magbahagi sa kanilang seminar kaugnay ng kanilang isinasagawang Community Relations Services patungkol sa basic photography and photojournalism.
Makikita sa larawan ang mga opisyal ng pamahalaang lokal ng Bayan ng Odiongan sa pangunguna ni Mayor Trina Firmalo-Fabic habang hina-hand-over ang Electric Oven kina Warden Irene D. Gaspar at JO3 Rowena Fos-Olivar para sa Bakery Program ng BJMP-ODJ. Photo by BJMP-ODJ
Maliban sa nasabing seminar, sunod-sunod ko ng nakikita ang iba't iba pang mga programa at aktibidades ng BJMP-ODJ na kapaki-pakinabang sa mga inmates at community sa pangkalahatan, katulad na lamang ng 1) Serenade for all Fathers in ODJ, 2) Anti-Smoking Campaign, 3) Outreach Program in Elementary Schools (Progreso Este), 4) Yoga for Peace, 5) Capability Enhancement Activity, 6) Tsinelas Ko Hakbang Tungo sa Pagbabago, 7) Read A Book, 8) Penology Profession/Anti-Smoking Campaign, 9) Bakery and Hand-over of Baking Equipment; 10) Precast Balluster Installation and Handrailings, leading to Masonry NC II, 11) Tree Hugging Activity in relation to National Arbor Day; at 12) Quarterly Medical Mission.
2nd Quarterly Medical Mission. Photo by BJMP-ODJ
Nakakabilib ang kasipagan at pagiging proactive ng pamunuan ng BJMP-ODJ na dapat maging halimbawa at ma emulate o magaya ng iba pang district jails sa iba't ibang lugar.
Syempre hindi magiging matagumpay ang mga programa ng BJMP-ODJ kung hindi rin dahil sa suporta ng iba't ibang ahensya ng pamahalaan at mga pribadong grupo/persona katulad na lamang ng mga lokal na pamahalaan ng Odiongan at Lalawigan ng Romblon sa pamumuno ni Gov. Lolong Firmalo.
Sumasaludo po ako sa inyo.
