Isang wanted umano sa kasong rape sa Tablas Island, Romblon ang inaresto na kapulisan sa isla ng Boracay Island, Aklan nitong February 24, 2017.
Ayon sa mga report, ang suspek umano ay si Carisio Seraspi. 63, at residente ng Barangay Canyayao, Santa Fe, Romblon.
Inaresto si Seraspi ng pwersa ng Santa Fe Municipal Police Station kasama ang Boracay Tourist Assistance Center (BTAC) sa bisa ng isang warrant of arrest na inilabas ng Regional Trial Court Branch 82.
Wala umanong piyansa ang nasabing kaso.
Nakatakda nang dalhin ang suspek sa Romblon para iharap sa korte.
