by Paul Jaysent Fos, RomblonNews | Wednesday, July 22, 2015
Nilagdaan na nga ni Pangulong Aquino kahapon ang dalawang batas na Philippine Competition Act at ang amyenda sa Cabotage Law.
Sa ilalim ng amyenda ng Cabotage Law ay magiging mababa ang mga gastusin sa pag-aangkat at pagluluwas ng mga produkto sa pamamagitan ng barko dahil makakapili na ang mga negosyante ng gusto nilang pantalan.
Ayon sa kay PNoy, halimbawa nalamang sa pagpapadala ng produkto galing sa Cagayan de Oro patungong Hong Kong, hindi na kailangan pang idaan ang mga produkto sa Manila kung saan ganun ang unang kalarakan.
Binigyang-diin rin ni PNoy na maglalabasan ang mga dekalidad na produkto dahil sa pagkakaroon ng kumpetisyon sa merkado.
Malaking bagay rin umano ang Philippine Competition Act dahil maiiwasan nito ang manipulasyon sa presyo, cartel at kutsabahan ng mga tusong negosyante.
Makakaengganyo rin ito ng mga investors at mapapalakas ang kalakalan ng bansa.
