Dalawang mangingisda sa bayan ng Magdiwang, Romblon ang nareport sa munisipyo kahapon, ang di umanoy nawawala sa laot simula pa nitong Lunes ng umaga.
Ang dalawang mangingisdang ay kinilalang sina Teolifo Diamos, 21 years old; at Jomar De Juan, 19 years old, pawang residente ng Sitio Tabuk, Barangay Tampayan, Magdiwang, Sibuyan Island, Romblon.
Sakay ang dalawa ng bangkang may pangalang Matt Zyron na may kulang na Puti at Orange.
Nagsagawa na rin ng rescue operation kahapon ang mga tauhan ng Coast Guard Sub Station sa Magdiwang, at mga miyembro ng Municipal Disaster Risk Reduction and Management Council ngunit bigo silang matagpuan ang dalawa.
Inalerto na rin ang mga Coast Guard Stations sa ibang probinsya at bayan sa Romblon kaugnay sa dalawang mangingisda.
Muling magsasagawa naman ngayong araw ng rescue ops ang mga tauhan ng Coast Guard Sub Station sa Magdiwang.